समानुपातिकतर्फ ५० प्रतिशत मतपत्र छपाइ सम्पन्न

माघ ६, झापा । आगामी फागुन २१ गते हुने प्रतिनिधिसभा निर्वाचनका लागि जनक शिक्षा सामग्री केन्द्रले समानुपातिकतर्फ एक करोड दुई लाख ३० हजार थान मतपत्र छपाइ सम्पन्न गरेको छ, जुन कूल आवश्यक संख्याको ५० प्रतिशत हो ।
पछिल्लो २४ घण्टामा १३ लाख १३ हजार मतपत्र छपाइ भएको केन्द्रले जनाएको छ । हालसम्म १० लाख ९८ हजार २०० थान मतपत्र निर्वाचन आयोगलाई बुझाइसकिएको छ । प्रत्यक्षतर्फको मतपत्र भने उम्मेदवारको अन्तिम नामावली र चुनाव चिह्न प्रदानपछि छपाइ सुरु गरिनेछ ।