झापाका चार क्षेत्रमा एमाले उम्मेद्वार टुंगिए, क्षेत्र–३ बाँकी

माघ ४-  नेकपा एमालेका अध्यक्ष केपी शर्मा ओलीको गृह जिल्ला झापामा क्षेत्र नम्बर–३ बाहेक अन्य चारवटा क्षेत्रमा एमालेले उम्मेद्वारको टुंगो लगाएको छ।
शनिबार बसेको पार्टी सचिवालय बैठकले अध्यक्ष केपी शर्मा ओलीलाई झापा क्षेत्र नम्बर–५ बाट उम्मेद्वार बनाउने निर्णय गरेको छ। यस्तै, झापा क्षेत्र नम्बर–४ बाट युवा नेता मनोज ताम्ली, क्षेत्र नम्बर–२ बाट सभामुख देवराज घिमिरे तथा क्षेत्र नम्बर–१ बाट सहकारी व्यवसायी रामचन्द्र उप्रेतीलाई उम्मेद्वार बनाउने निर्णय गरिएको छ।
झापा क्षेत्र नम्बर–३ मा भने उम्मेद्वार चयन हुन बाँकी रहेको एमालेले जनाएको छ। पार्टी नेतृत्वका अनुसार उक्त क्षेत्रमा सहमति जुटाउन छलफल जारी छ र छिट्टै उम्मेद्वार टुंग्याइनेछ।