बिहीबार, १९ भदौ २०८२
सारांश
- महोत्तरीको पिपरा गाउँपालिकामा दिवा खाजा खाएपछि एक सयभन्दा बढी विद्यार्थी बिरामी भएर अस्पताल भर्ना भएका छन्।
- विद्यालय प्रशासनका अनुसार खाजा खाने क्रममा एक विद्यार्थीको प्लेटमा छेपारो देखिएपछि स्वास्थ्य समस्या आएको थियो।
- अहिले विद्यार्थीहरुको अवस्था सामान्य रहेको र रातिभर निगरानीमा राख्ने चिकित्सकले बताएका छन्।
जनकपुरधाम । महोत्तरीको पिपरा गाउँपालिका वडा नम्बर ६ स्थित श्रीआदर्श उच्च माविमा बिहीबार दिवा खाजा खाएपछि एक सयभन्दा बढी विद्यार्थीलाई अस्पतालमा भर्ना गरिएको छ ।
दिवा खाजाका क्रममा एक विद्यार्थीको प्लेटमा छेपारो देखिएको र केहीमा सामान्य स्वास्थ्य समस्या देखा पर्नासाथ सबै विद्यार्थीलाई अस्पतालमा ल्याएर चिकित्सकको निगरानीमा राखिएको विद्यालय प्रशासन स्रोतले जनाएको छ ।
वर्गीकृत विज्ञापन
विज्ञापन पोस्ट गर्नुहोस् सबै हेर्नुहोस्
दिवा खाजा खाएका विद्यार्थीलाई प्रादेशिक अस्पताल जनकपुरमा ल्याएर चिकित्सकको निगरानीमा राखिएको हो । डा. रमेश यादवका अनुसार विद्यार्थीहरूमा अहिलेसम्म कुनै गम्भीर समस्या देखिएको छैन । यद्यपि रातभर निगरानीमा राख्ने उनको भनाइ छ ।
_Vx95K2oyDH.gif)
पालिका अध्यक्ष रामजानकी यादवले विद्यार्थी बिरामी भएको आफूले थाहा पाएको तर वास्तविकता बुझ्न नपाएको जानकारी दिए । उनले भने, ‘विद्यार्थीहरू दिवा खाजा खाएपछि बिरामी भएको भन्ने सुनेको छु ।’ आफू वास्तविकता बुझ्ने प्रयासमा रहेको उनको भनाइ थियो ।
