१६ बैशाख – संघीय संसदमा रहेका विपक्षी दलहरुले सरकारले ल्याएका अध्यादेशहरु जारी नगर्न राष्ट्रपति रामचन्द्र पौडेललाई आग्रह गरेका छन् ।
नेपाली काँग्रेसको आह्वानमा आज सिंहदरबारस्थित नेपाली काँग्रेस संसदीय दलको कार्यालयमा बसेको बैठकले सो निर्णय गरेको हो ।संघीय संसदको बैठक आह्वान गरेर स्थगित गर्ने अनि अध्यादेश ल्याउने काम ठीक नभएको भन्दै विपक्षी दलहरुले संसदलाई छल्ने गरी सरकारले ल्याएका अध्यादेशहरु अस्वीकृत गर्न राष्ट्रपतिलाई आग्रह गरेका हुन ।
बैठकमा नेपाली काँग्रेस संसदीय दलका नेता भीष्मराज आङ्देम्बे, नेकपा एमाले संसदीय दलका नेता रामबहादुर थापा, नेपाली कम्युनिष्ट पार्टीका प्रमुख सचेतक युवराज दुलाल र राष्ट्रिय प्रजातन्त्र पार्टीको तर्फबाट सरस्वती लामा सहभागी हुनुहुन्थ्यो ।
विपक्षी दलहरुले अध्यादेशहरुलाई फिर्ता गर्न सरकारलाई पनि आग्रह गरेका छन । उनीहरुले तत्काल संसदको बैठक बोलाउन समेत भनेका छन ।
